قصة كازا آرت واي كازا آرت واي، مشروع بمثابة عرض تشكيلي يمتد على طول محطاتنا. هذه اللوحات تم عرضها على مباني محطات الإصلاح الفرعية المجاورة لمحطات الخطين ط1 و ط2 و الرسومات المتواجدة فيها مستوحاة من سمات أوصاف مستعملي الطرامواي. هذه الأوصاف، الأراء و التصورات شاركوها معنا سكان الدار البيضاء من خلال دراسة حول جودة الخدمة التي اطلقت هذه السنة. خلاصة هذه الدراسة: 94,7% من الزبناء و البيضاويين بشكل عام راضون عن الخدمة و عندهم صورة إيجابية تجاه الطرامواي. الجولة الفنية دعونا نكتشف خط T1 ومحطاته المعنية تم إطلاق خط T1 في 12 ديسمبر 2012 لربط الكليات بسيدي مومن بعد ذلك ، تم تمديده في 23 يناير 2019 ، بهدف ربط ليساسفة وسيدي مؤمن عبر 37 محطة في جميع أنحاء المدينة من خلال جولتنا الفنية ، اكتشف الجداريات في المحطات التالية: الكليات فن الرسم على الجدران جزء كبير من الثقافة الحضرية ديال الدار البيضاء ، وهو وسيلة تعبير تشهرات بيها المدينة .هاد الجدارية كتحكي ماشي غير قصة بل قصص، كتحكي كل القصص لي سبق لينا و كتاشفناها، قصص مستوحاة من كلامكم، آراءكم، قصص لي عشناها معاكم عبر هاد السنين، قصص لي من خلالها ليوم كنشكروكم. شكرا حيت درتو من الطرامواي جزء من حياتكم. تكنوبارك وسيلة نقل صديقة للبيئة ، كتحتارم الطبيعة وحتى الإنسان . الكازاوي انسان حر و حالم بحال الطيور ، هكدا وصفتو الطرامواي. و بحال الطيور الطرامواي كيوفر لكم حرية التنقل مكة هذه الصورة الغنية بالألوان والرسومات، تناولت موضوع المناطق الحضرية. لي اكن مصدرا حقيقي للإلهام وغذى خيال الفنان : جعله من هاد العمل أداة لاستكشاف روح الدار البيضاء كاتمنى كازاطرامواي من خلال هذه اللوحة، تذكر اللمسة الحضرية اللي كاينا في شوارع مدينتنا ومجموعة كبيرة من الألوان اللي كان شوفوها فالطرامواي كايحتفل كازاطرامواي بقوة الألوان و الإهتزاز و القدرة ديالها على إقامة روابط بين كازاوا باشكو الدار البيضاء مدينة حديثة، نابضة، لامعة، مكتحبسش من التطور و فحركة مستمرة، مدينتنا كتكبر و كتطور بسرعة تطور التكنولوجيا . كازا مدينة كانت محتاجة لي قوي صلتها مع ناسها، صلة كتجمع جميع سكانها .الطراموي ومن هاذي 10 سنين هنا باش يجمعنا و يسهل علينا حنا وليدات الدار البيضاء التحرك فكل بلاصة من سيدي مومن لعين الذئاب و من ليساسفة لطرقان بعاد. هاد الجدارية بمثابة تجسيد لجميع الأشياء ،القصص ،المواقف و المجامع لي سهل وجودها الطرامواي كلية الطب مدينة الدار البيضاء كتجسد الروح الحرة والإستقلالية ديال سكانها ، هاذ الحرية ختارينا نمثلوها بدورنا عبر ريش الطاووس لي كيعبر على الروح المبدعة و الحرة. جداريتنا كتجسد حرية التنقل وحرية الإختيار لي بفضل الطرامواي، ناس البيضاء كيعيشوها و يستمتعو بيها يوم على يوم ساحة الأمم المتحدة الطرامواي وسيلة كتوالم جميع الأجيال ، كيسهل الحياة على الكبار وكيبهر الصغار و الشباب . هاد الجدارية تحتفل بالطفولة و كتأكد على تأثير الطرامواي على جميع الأجيال آل ياسر قصة الدارالبيضاء، كتبوها ناسها لي باختلافهم وتنوعهم كيبصمو مستقبلها وحاضرها و قصة الطرامواي حتى هي. الطرامواي لي كيجمع وليدات كازا، كبار و صغار، بيضاوة لي كيتعايشو مع مدينتهم من جيل لجيل. هاذ العمل كيكرمكم نتوما وليدات هاد المدينة ، رجال و نسا لي بيكم المدينة كتكبر و تطور، الرجال و النسا لي بيهم كازا غتبقى ديما كتبهر علي يعتا الحيوان رمز الشهامة، القوة و التوازن .من خلال هذه الجدارية حاولنا نجسدو رؤية ديالكم على الحضور ديال الطرامواي في شوارع البيضاء . حضور قوي شبهتوه بقوة وطاقة الأسد ، حكيم و هادئ بحال الفيل ، و نبيل وشهم بحال الحصان تم تدشين الخط ط2 يوم 23.01.2019 و يربط بين سيدي البرنوصي و عين الذئاب، يمر على 33 محطة عبر المدينة. الخطين يتلقيان على مستوى أنوال- عبد المومن و إبن تاشفين- مداكرا لتسهيل التنقل من خط إلى آخر و تسهيل السفر إلى مختلف مناطق المدينة. تتواجد جداريات الخط ط2 على مستوى هذه المحطات : أبي دار غفاري الطرمواي زاد لمسة ديال الراحة و الطمأنينة فتجربة التنقل عبر الدار البيضاء ، الماندالا كيجسد إحساس مشترك عند جميع بيضاوى فاش كيستعملو الطرمواي ، الطمأنينة حيت عارفين معاش وفين غادي يوصلوا ، والسكينة حيت كيوفر ليهم راحة البال عمالة عين السبع جدارية مليئة بالألوان ، ألوان كتفرح العين ، فارضة وجودها بحال الأسد لي كتمثلو . حيت الطرمواي فعينيكم قوي بحال الأسد وبألوانه وحركيته كيفرض وجوده المداكرة ثقافتنا كتجمع مابين الأصالة والمعاصرة ، وهادشي مرسخ في هويتنا كمغاربة . و حنا كبيضاوى مثال حي ديال هاد التجانس لي كتجسد حتى فالطرمواي لي هو وسيلة حديثة ومبتكرة للتنقل بلمسة مزخرفة كاتعبرعلى التقاليد الغنية والمتنوعة لمدينتنا الفداء فهاد المدينة كل واحد فينا كياخذ طريق بطموحات و أحلام. أحلام لي و حنا صغار كيبانو لينا كبار. و حنا كبار كيبانو لينا عبارة عن محطات كنعبروها باش نوصلو لكل ما تخايلناه و حلمناه هاكذا حياتنا فكازا، و هاذي هي حكاية مدينتنا، مدينة واكبات صغار، شبان و كبار باش يرسمو طريقهم، مدينة لي كبرات معانا، تطورات و سهلات علينا حركيتنا، مدينة لي باش نرسمو طريق، رسمات لينا خطوط، خطوط الطراموي لي جعلت لكل واحد منا محطة انطلاق لحلم و وصول لحلم آخر أنفابارك عائلة التنقل بالدار البيضاء كتزيد تكبر نهار على نهار . و كتكبر معها رغبتنا باش نعطيو أحسن خدمة تنقل ممكنة لولاد مدينتنا ، فينما كانوا ساكنين ، وشحال ما كانت طريقهم طويلة . كنوعو الحلول باش كل بيضاوي وبيضاوية يجول مدينتو بكل حرية الساحل ساحل مدينتنا لي كلنا عندنا معاه ذكريات زوينة ، لي كيتعتبر متنفس للكبير و الصغير . ربطنا بينو و بين أبعد مناطق فالمدينة ، حيت كل بيضاوي عندو لحق إستمتع بأجمل الأماكن في مدينته تقديم الفنانين تتكون مجموعات بلاسيبو من 7 فنانين مزجوا بين عدة تقنيات تشكيلية و فنية: منها الفن الحضري العصري و الفن الرقمي. هذا المزيج الإبداعي مكن من تخيل و إنشاء 15 لوحة جدارية مستوحاة من روح الدار البيضاء و ما يمثله الطرامواي لسكان المدينة. تشكل هذه الأعمال رحلة فنية غير مسبوقة عبر خطوط الطرامواي. تتنوع هذه الأعمال على مستوى الألوان و التقنيات و المواضيع التي تمثل مجموعة من الأساليب الفنية تعكس نظرة المستخدمين لعالم كازاطرامواي « كانت هذه التجربة استثنائية: الرسم في 15 حي مختلف، التواصل مع ناس هذه الأحياء و إكتشاف أجواء مختلفة كان مميز. نحن فخورون بالإنجاز الذي هو عبارة عن إنشاء لوحات بالعديد من الأساليب على فضاءات كثيرة في وقت قياسي، تحدي كبير بالنسبة لنا! لكن التحدي و الفخر الأكبر هو إضافة لمسة تشكيلية و فنية بألوان حية إلى المدينة و إنشاء مسار فني لجميع مستخدمي الطرامواي"
